Sidhiyo Ke Peeche Chupa Bhayanak Bhoot

sidhiyo-ke-peeche-chupa-bhayanak-bhootMera naam Milan jethva hai. Aur me Jamnagar ka nivasi hu. Me ek darzi (Tailor) hu. Bhagvaan ki daya se kamai acchi ho jati hai, is liye vaghesvari plot jaise posh area me makaan le rakha hai. Mere pitaji ab darzi-kaam nahi karte hai, vah ab retire life bitate hai. Kuch dino pahle mera samna ek gusseil bhoot se hua tha, jisne mere pasine chuda diye thei. Aaj mujhe ehsaas ho gaya hai ki maut kabhi bhi aa sakti hai. Aur yeh zaruri nahi ki insaan har baar maut ko maat de kar bach jaye.

Shayad us raat shukrvaar tha, mei apni dukaan par baith kar kapde see raha tha. Tabhi achanak mujhe ehsaas hua ki dukaan ke samne sidhi ke piche koyi chupa hua hai. Jo baar baar meri aur dekh raha hai aur fir se chup raha hai.

Maine gaur kar ke vahan dekha to mujhe pata chala ki vahan koyi aadhed umr kaa mard tha. Jiske aadhe sir par ghunghrale baal the, aur uski aankhe radium jaisi neeli chatak thi. Us ka bhayanak rup dekh kar mere to rongte khade ho gaye. Mujhe dar to lag raha tha par fir bhi himmat kar ke maine vahan jaa kar dekhne kaa faisla kiya.

Sidhi ki aur jate vakt mere pair kaap rahe the. Aur mere dil ki dhadkane be tahasha tez ho chuki thi. Vaha paas jaa kar maine dekha to hakikat me koyi aadhed umr ka insaan vaha baitha tha aur usne khakhi vardi pahan rakhi thi.

Darte darte maine usko puch hi liya ki kaun ho tum, aur yahan kya kar rahe ho? Thodi der to vah insaan mujhe ghurta raha par fir achanak usne bhayanak cheekh maari,  aur sidhi se bahar aa kar dono hatho se mera ek pair daboch liya. Aur mere pair par usne daant gadha diye.

Mai to sadme me aa gaya. Chillate hue maine uske sir par mukke maarna shuru kar diya. Kuch hi der mein meri chikhe sun kar usne mera pair chod diya aur vah fir se sidhi ke niche andar ki aur chup gaya. Vaha par fauran log jama ho gaye, aur sab mujhse puchne lage ki kya hua tha? Jama hue logo ko Maine sari hakiakt batayi, kuch logo ne vaha sidhi ke niche jaa kar dekha bhi, par vaha unhe kuch bhi nahi mila,

Sab ne mere pair ki aur bhi dekha, par mere pair par se daant ke nishaan bhi gayab ho chuke the. Mujhe yakin nahi ho raha tha ki us vakt mere saath aisi vichitr ghatna ghati thi. Sab log mere man ka vahem maan kar, mera mazaak udate hue vapis apni dukano me laut gaye.

Kuch der baad mei apni dukaan ke andar baith gaya, aur firse apne pair ki aur dekha to us insaan ke kate ke nishaan mere pair par vapis aa chuke thei, aur pair se khoon bhi beh raha tha. Us ghatna ke baad meri jaan halak me atak gayi thi. Maine raat ko 8 bajhe hi dukaan ko tala laga diya aur ghar chala gaya.

Maine sari baat apne papa aur maa ko kahi. Vah dono bhi soch me padh gaye. Mera mann to nahi tha par kaam itna tha ki dusre din mujhe dukaan jana hi pada. Us din do pahar me hi mujhe vah insaan fir se sidhi ke niche dikha. Is baar mujhe use chodna nahi tha, maine fauran keinchi (seizer) utha kar sidhi ki aur feinki,,,

Meri keinchi theek uske pair par jaa kar lagi. Usne meri aur dekha aur vah mansik bimaro ki tarah hasne laga,,, aur fir achanak usne keinchi ko apne hi pair mein chubha diya. Yeh sab dekh kar mere to hosh udd gaye. Me dukaan me baithe baithe hi buri tarah se kaapne laga. Meri sans ful rahi thi aur aisa feel ho raha tha ki dil kaa dora pad gaya hai.

Abhi us vakt me behosh hone hi vala tha ki mere papa dukaan par aa gaye. Unhone mujhe sambhala,,, mere gale se aavaz to nikal nahi rahi thi par maine ishara kar ke us bhayanak insaan ki aur unhe dekhne ko kaha. Papa ne bhi use dekha aur fir jo unhone kiya vah me sapne me bhi nahi soch sakta tha.

Vahi paas me road ke paas ek gaay (Cow) khadi thi jo bathroom kar rahi thi. Mere papa ne us gaay kaa “gavmutra” apne daye hath me liya aur vah sidhi ki aur daude,,,, vaha jaa kar papa ne gavmutra us bhayanak insaan par chideak diya.

Jaise hi papa ne us par gavmutra chidka, vah insaan kale dhue ke rup me gayab ho gaya. Aur pure vatavaran me ajib si shanti aur thandak ho gayi. Ajib baat thi ki uske gayab hote hi mera sharir bhi normal ho gaya. Mere papa haste hue dukaan ke andar aa gaye, aur mujhe bole ki beta maine uska rasta kar diya hai, ab vah kabhi bhi is jagah ke aaspaas bhi nahi bhatkega. Ye le apni keichi sambhal.

Papa ne kaha ki vah koyi insaan nahi prêt hoga, jo bhatakte bhatakte yaha vaas karne laga tha. Ab vah yaha aane ki himmat nahi karega. Apne papa ki is bahaduri ko dekh kar mere dil me unke liye aur izzat badh gayi. Us din ke baad maine kabhi bhi apni dukan ke paas us sidhi ke piche koyi parlokik shakti yaa bhoot prêt jaisi chiz nahi dekhi.

loading...
Loading...