Merei Saheli Lazia Ka Saaya

Dosto aaj main aapke liya fir se ek sansani ahsaas laane ja raha hu ise dhyan se mehsus karna taki aapko maloom ho sake is duniya ke uncchooe Aur ajeeb rahasymay duniya.Dosto aaj main aapko ek aisi ghatna batane ja raha hu jo mere dost ki bahan ke saath ghatit hui hai jaisa mere dost ne mujhe bataya wesa hi aapko batane ki koshish karne ja rha hu.

To pehle main aapko mere dost ke baare main batana chahta hu mera ek dost (Tarun) hai wo bahut hi hasmukh aur  majaaki hai.. uski ek bahin hai(Sondarya) jo usse choti hai , uski kisi “Lazia” naam ki ladki ke saath dosti thi wo dono main gehri dosti thi , Lazia ho ya sondarya dono main koi bhi kahi kisi kaam ke liye nikalata to dono har baat ek dusre ko batate the sondarya har kaam ko karti thi jo Lazia usse bolti or Lazia ki bhi yahi aadat thi ,Lazia ko ghar se bahar jaane ki anumati bahut hi kam mil paati thi kyuki uske parents bahut strict the, isliye khane pine ki cheeze bhi sondarya se mangwati thi , or Sondarya  ghar pe uske kaam main hath bhi bata deti thi….

Horror-Wallpapers

Lazia Ki Jaldi Hi Shadi di kar di gai aur wo apne sasural chali gai uske dedh saal baad wo delivery ke liye apne mayke aai toh fir se dono saheliyo ka samay saath bitne laga jab delivery ka time aaya toh uske twins ladke hue lekin Lazia bach nahi paayi kyuki uski delivery main kafi complication aa gaye the, bachoo ki sthithi gadbad ho gai doctor ne bataya baccho ki postion ulajh gayi thi.

Ab uska zanaje main Sondarya ka poora pariwar gaya tha ….. Sondarya man hi man ro rahi thi or chupa chap bethi thi apni pyari saheli ke janaze ko dekhkar. Achanak hi thodi der baad uski udaasi tut gai aur wo halki si muskuraane lagi or ghar se bahar nikal gai….. Idhar Tarun Ne bahan ko waha nahi dekha to apne pita se maloom kiya to unhe bhi sondarya ka pata nahi tha tab tarun ghar se bahar nikalkar dekha to use bada ajeeb laga.

Sondarya anjaan raho par kisi se baat kar rahi thi or saath hi khilkhila kar has rahi thi tabhi tarun ne sondarya ko aawaaj dekar pass bulaya or poocha sondarya tu kisse baat kar rahi thi,  tab sondarya ne batya bhaiya yeh sab to faltu main hi ro rahe hai jabki Lazia to waha khadi hai tarun ne kaha tu pagal hai kya tune lazia ko khud  waha dekha  hai toh wo yaha kaise ho sakti hai, tabhi usne apni anguli se ishara karke uski sthithi ko bataya tarun ko kuch bhi dikhyi nahi diya.

ghsot girl

Ab din bitne lage roj sondarya akele main kabhii chat pe toh khabhi balcony main kisi se baat karti hui mil jaati thi.Achanak hi Sondaya Bimar pad gayi uska kahi ilaaj bheth nahi raha tha par wo hamesha kisi se baat karti rehati thi , yeh dekhkar ghar waale bahut hi pareshaan rehte the.

Ek din to bahut gajab ho gaya, sondarya ne maa se khana manga to wo diet se jyada khane lagi uski maa herat main pad gayi,, aur khana khate khate kuch badbada bhi rahi thi,  uski maa koo bada aashcharya hua ki sondarya kabhi bhi is tarike ka bartaaw nahi karti hai isko ho kya gaya hai ,, fir achanak wo apni ma se gosht ki maang karne lagi ,, aur kuch arbi main bhi badbada rahi thi uski maa ko gadbad langne lagi use yeh kuch alag hi majara lagne laga tha tab uski maa ne pados wali chachi ko bulaya wo lazia ki maa thi.

Tab unohone sondarya ki maa se bola ki sondarya Arabi bhasha sikhi thi kya toh sondarya ki maa ne kaha use toh yeh bhasha aati hi nahi tab Lazia ki maa ne kaha ki ye arbi bhasha main bakre ki tagdi maang rahi hai,, or bol rahi hai ki iski saas isko gosht khane ko nahi deti thi,, yeh sunkar Sondarya ki maa ka dil beth gaya,, tabhi Lazia ki maa ne kaha ki main ek majaar pe jaati hu waha ek baba hai wo sabhi tarike ka ilaaj jaante hai unko main bula kar  laati hu.

tum bilkul chinta mat  jab wo fakir baba aaye to wo dekhte hi sara majra samaj gaye unhone bataya ki (Sondarya)unhi ki beti Lazia se baate karti hai ,Accha hua tumne mujhe samay rehte bula liya nahi to ye ladki kal subah tak nahi bach paati wo ise raat main  hi apne saath le jaati or Ye  dheere dheere un dono baccho ko bhi apne saath le jaayegi jinko usne isne janm diya hai ,, iske liye ek taveej bana dunga jab tab aap apne ghar main loban ka dhoop agarbati karo baaki main sab dekh loonga….

To Dosto is tarah tarun ki Sister ke saath hadsa hote hote bach gaya………………

This Story is Posted By Horror Story Writer  Vinaay Thada From Rajsthan

One Response

  1. Ashim patra August 3, 2017

Leave a Reply