नोरा के प्रेत की दर्द भरी दास्ताँ | Nora ke Pret ki Dard bhari Dastan

Loading...

Nora ke Pret ki Dard bhari DastanMera naam lilly mendosa hai Aur me goa me rehti hu. Goa me hamara ek Flower shop hai. Hamare shop me har tarah ke beautiful flowers beche jate hain. Business kafi accha chal raha tha to ham ne loan le kar makan shop ke upar hi bana liya tha. Bimari ki vajah se mere papa kaam kam kar pate hai to zyada-tar mai hi shop par baithti hu.

Ek din ki baat hai jab ek ladki hamare shop me aayi, maine usko pucha ki konse flowers chahiye? Par usne koyi javab nahi diya. Bas voh Red & white flowers ki aur dekhe hi jaa rahi thi. Uski aankon me ajib udasi thi. Aur uske hath ke nakhun tute hue the. Maine usko fir se pucha ki aap ko kuch madad chahiye?

Usne meri aur dekh kar ek halki si muskaan di, fir vah flowers ki aur dekhne lagi. Maine socha ki koyi dukhiyari ladki lagti hai. Thodi der me apne aap chali jayegi. Us par se dhyaan hata kar me apne dusre kaam me lag gayi.

Kuch der hui to us ladki ne meri shop se bada sa flowers ka guldasta uta liya aur mud kar shop ke bahar jane lagi. Mene chikh kar use roka,,, aur kaha ki,,, hello madam, is ka prize 300 rupee hai, aap ne payment nahin kiya hai. Aap paise dijiye fir ise le jaiye.

Is baar usne gusse se bhari nazar se meri aur dekha. Mujhe thoda dar mahesus hua. Par fir bhi me himmat ke sath uske samne khadi rahi. Thodi der vah mujhe ghurti rahi fir achanak usne mujhe dhakka de diya. Aur me muh ke bal shop me gir padi.

Ab vah shop ke bahar jaa chuki thi,,, mujhe dar to laga par, gussa bhi tha, mai shop ko lock kar ke scooty par uske piche piche jane lagi. Meine socha ki dekhu to sahi ki ye jati kaha hai, maine soch liya ki is ke ghar ke paas pahuch kar hi police complain karungi.

Karib aadha kilo meter chalne ke baad vah bas me baith gayi,,, me bhi apni scooty le kar uske piche piche jane  lagi, kuch hi der me bas ruki, maine andar jaak kar dekha to bas ka conductor us se ticket ke liye jagda kar raha tha. Shayad us rahasyamay ladki ke paas tikat ke paise bhi nahi the.

loading...

Bas conductor ne use vahi utaar diya. Ab vah ladki pedal chalne lagi. Karib ek kilo meter tak vah hath me guldasta liye chalti hi rahi. Fir ek kabristaan ke paas aa kar vah ruk gayi. Aur kabristaan ke gait ko dekh kar vah fut fut kar rone lagi. Me samaj nahi paa rahi thi ki yeh sab kya hai. Fir apne aasu pochte hue vah andar jane lagi. Me bhi utsukta vash uske piche piche gayi.

Voh Ek kabar ke paas aa kar  ruk gayi, aur meri dukaan se liya hua fulo ka guldasta us kabar par usne rakh diya. Aur fir vah usi kabar par sir rakh kar so gayi. Ab mene police complain karne ka idea drop kar diya. Kyuki me samaj gayi thi ki yeh koi garib ladki hai jiska koi apna mara hoga, aur uski ke gam me iski halat buri ho gayi hai.

Maine uske paas jane ka feisla kiya. Aur uske kandhe par hath rakh kar pucha ki sister yahan tumhara kaun saga dafn hai? Vah fauran uth gayi aur meri aur dekh kar zor zor se rone lagi, use is tarah roti dekh kar mera bhi dil bhar aaya.

Maine use gale se laga liya. Kabr par dekha to Nora stiffens name likha tha. Maine us ladki ko fir se pucha ki yeh kis ki grave hai. Usne rote rote hi bataaya ki,,, yeh meri kabr hai. Mere pati ne mujhe badi be-dardi se mara tha.

Uski ye baat sun kar mere to pasine chut gaye, mene use kaha ki tum muje darane ke liye aisa bol rahi ho naa? Is baar vah kuch bhi nahi boli,,, ab me vaha se jana chahti thi. Kyu ki mujhe kafi dar mahesus ho raha tha, mane usko kaha ki tumhe kahi jana hai to me apne scooter par chod deti hu,,, me jaa rahi hu, usne fir se kaha ki,,,  mera final destination yehi hai, me isi kabr me raheti hu.

Ab mujhe dar ke sath gussa bhi aa raha tha, kyu ki me usko sympathy de rahi thi or voh baar baar mere sath mazaak kiye jaa rahi thi ki vah ek bhoot hai, aur kafi time pahle mar chuki hai, mene usko kaha ki chalo maan liya ki tum Nora ho aur mar chuki ho,,, toh sabit karo ki tum hi nora ho,,,

Usne fir apna daya hath aage badhaya aur jab mene uska daya hath dekha to mere rongte khade ho gaye,,, uske hath par Nora naam gudvaya hua tha. Palak japakte hi vah mere samne se gayab ho gayi. Use apne  samne gayab hote dekh kar mera dil hi baith gaya,,, me pagalo ki tarah chillati hui us kabrastaan se daud kar bahar aayi,,, aur scooty chalu kar ke fauran apni shop par laut aayi. Aaj bhi mujhe dar lagta hai ki Nora ka prêt kahi vapis meri dukaan me naa aa jaye. – lilly mendosa

 

Loading...

10 Comments

  1. ashish anand May 25, 2017
    • varun thakur July 1, 2017
    • Rishi kumar sahni October 11, 2017
  2. Shalini mishra June 2, 2017
  3. shubham rana June 27, 2017
  4. unknown July 12, 2017
  5. Kiran July 17, 2017
  6. Ashim patra August 2, 2017
  7. cjjjkl ggkk August 12, 2017
  8. Mahesh Chavhan September 22, 2017

Leave a Reply