Mandir Ke Pujari ka Bhoot – A Scary Paranormal Story in Hindi

Mandir Ke pujaari ka BhootVaise to mandir me bhagvaan rahte hai, par Jharkhand mein ek aisa shivji ka mandir hai jis ke paas ek khaufnaak bhoot ka basera hai. Pahle to mujhe vishvaas nahi hua tha ki ek mandir ke paas kabhi aisi bhayanak shakti ka basera ho sakta hai, par jab maine khud us vikraal bhoot ka samna kiya tab mujhe yakin ho gaya ki bhoot prêt se duniya ki koyi bhi jagah safe nahi hai, mandir bhi nahi.

Mera naam lalit morjariya hai aur me Jharkhand ka nivasi hu. Aaj me aap sab ko us din ki sacchi kahani batane jaa raha hu jab maine mandir ke paas basne vale bhoot ki sacchai janne ka faisla kiya tha. Us din mera dost ravi karib sham ke saat baje mere ghar aaya. Ravi ko maine kaha ki “aaj kuch tufaani karte hai”.

Ravi aur me dono meri bike le kar us mandir ki aur chal pade. Ravi ko maine bataya nahi tha ki hakikat me me use ek bhutiya jagah par le jaa raha hu. Jaise hi hamne bike stand par lagai to ravi gussa ho gaya. Usne bola ke ye tera tufaani program hai? Mandir?

Maine use samjha bujha kar badi mushkil se vaha roka. Thodi der ham dono mandir ke andar baithe. Fir maine socha ki pujari se baat karta hu. Mai ravi ko le kar pujari ke paas gaya aur use pucha ki is mandir ke aas paas kisi bhoot prêt ka basera hai, yaa fir isi mandir me bhoot aata jata rahta hai?

Pujari mujhe aur ravi ko ghurne laga. Maine fir se vahi savaal uske samne dohraya, is baar pujari ne hame paas vale kamre me aane ko kaha. Ravi bola ki ye sab kya hai yaar? Mene kaha ki chal yaar maza aayega,,, ye pujari shayad is mandir me yaa is mandir ke aaspaas ghumne vale bhoot ka kissa sunayega,,,

Mai aur ravi us pujari ke saath saath uske room par chal diye. Rum ke andar ajib si badbu thi. Vahan divaal par kale kale gol dhabbe bhi the. Pujari ne kaha ki baitho me abhi aata hu. Ham vaha kursi (chair) par baith gaye. Ab hame us romanchak daravne kisse ke bare me janna tha. Hum kafi exited the.

Vahan baithe bathe meri nazar ek almari ki aur gayi, almari ke andar shayad kuch tha, maine fauran ravi ko kaha ki andar kuch hai, ravi khada ho kar almari ke paas gaya,,, usne dheere se almari kholi,,, almari ke andar ek kaanch ki badi botal thi,,, aur us botal ke andar ek javaan ladke kaa kata sir bandh tha.

Yeh sab dekh kar ravi ke to rongte kahde ho gaye,,, us ne mujhe kapti aavaz me kaha ki yaar ye jagah kuch theek nahi hai,,, bhag chalte hai yaha se, almari ke andar us bhayanak cheez ko dekh kar mere dil ki dhadkane bhi tez ho gayi.

Mai aur ravi vaha se fauran bhag kar mandir se hote hue bike ki aur daude,,, par vaha dekha to hamari bike gayab thi. Ravi aur me dono ab dar se kaap rahe the. Hame samaj nahi aa raha tha ki kya kare kaha jaye.

Tabhi vah pujari hath me kamandal aur chmta liye mandir se bahar aaya,,, usne kaha ki andar chalo, ham ne saaf mana kar diya,,, aur usko pucha ki hamari bike kaha hai ? usne fir se hame gusse me kaha ki andar aao. Ham kuch bole bina vahi khade rahe.

Usko khub gussa aane laga, aur vah daud kar hamari aur aaya,,, pujari ne achanak apna chimta ravi ki aur feinka, jo ki use ghutne me laga. Aur ravi vahi gir pada. Ab mere sabr ka bandh tut chukka tha. Mujhe bhi khub gussa aaya, aur me us pujari se ladne laga. Hamari hatapai hone lagi. Kuch hi der me usne muj par kabu paa liya aur vah pujari ghaist kar mujhe usi kamre me le jane laga.

Ravi bhi langdata hua meri madad karne piche piche aane laga. Kuch hi der me ham dono fir se usi andhere kamre me aa gaye. Aur is baar pujari ne kamare ko andar se tala laga diya. Kamre ke andar ravi aur me soch rahe the ke kaise darvaza tod kar bhage,  tabhi us pujari ke saath aur do pahadi insaan us kamre me aaye. Aur unhone hame vahan kursi se bandh diya. Aur kamre me hi aag jala kar vah teeno log  kuch “mantrochaar” karne lage.

Kuch der baad pujari andar se do chamakti talvare laya. Ab ham samaj chuke the, ki yeh log hamari “bali” dena chahte hain. Hamne vaha cheekh pukaar macha di, tabhi achanak bahar se koyi darvaza khatkhatane laga. Dono pahadi insaan aur pujari aapas me jagadne lage. Aur ek dusre ko darvaza kholne ko blone lage.

Fir kuch hi der me unhone havan ki aag buja li, aur talvare le kar andar ke dusre kamre me chale gaye. Aur jane se pahle hamari raassiya bhi khol gaye. Hamne fauran aage ke kamre ka main darvaza khol diya.

Vaha darvaze par mandir ke trusty aur us elaake (vistaar) me rahne vale log the. Unhone hamara haal laval janne ki vajay hame hi dantna shuru kar diya. Ki yaha kya kar rahe ho? Chori karne aaye ho kya? Pulis ko bulaye kya?

Ravi ne aur meine unhe sab baat samjayi ki is mandir ke pujari ne hamari “Bali” dene ki koshis ki, par unhone hamari ek naa mani. Vah sab kahne lage ki daru pi kar aaye ho kya? Ye mandir to salo se khandhar ki tarah bandh pada hai yaha koi pujari nahi aata. Aur ye kamre salo se bandh pade hai.

Fir unhone hame vaha se dhakke de kar bahar kar diya, aur chetavni bhi de di ki fir ham vaha dikhe to pulish bula lenge. Ravi aur me jab vaha soch hi rahe the ki ab kya kare,,, tabhi hamne dekha ki hamari bike jo gayab ho chuki thi vah fir se vahi padi thi jaha se gayab hui thi.

Jane se pahle fir se ek baar nazar ghuma kar hamne mandir se sate us kamre ki aur dekha,,, us kamre ki khidki par vahi pujari aur baki ke do log khade the,,, aur vah teeno hamari aur dekh rahe the.

Maine fauran bike ki kik mari aur ravi ko bola ki bhaag yaha se,,, bhaad me jaye bhoot prêt ki sacchai,,, yaha ruke to jaan ke lale pad jayenge.. us din ke baad ham dono fir kabhi us bhayanak jagah ki aur nahi gaye. – “lalit morjariya”

loading...

Leave a Reply