Manav Bhakshi Aghori Tantrik

manav-bhakshi-aghori-tantrikMera Naam Gautam Karmakar hai. Aur me Gangapur ka nivasi hu. Meri umr 32 saal ho chuki hai, aur mene abhi tak shadi nahi ki hai. Zindgi se jo ummide thi, vah puri nahi hui, aur jo zindgi ne diya vah mujhe pasand nahi aaya. Is liye kuch salo se life se interest udd saa gaya tha tha. Kaam kaaj me aur social life me bilkul ji nahi lagta tha. Logo se milna-julna bhi accha nahi lag raha tha. Har pal ek becheini si mahesus hoti rahti thi, is liye pichle saal me kisi ko kuch bhi bataye bina ghar chod kar chala gaya tha. Apni isi nadani ke karan me bahut badi bhayanak musibat me pad gaya tha.

Saal bhar pahle ki baat hai, jab me raat ke 11 bajhe ghar se nikal gaya. Me sidha railway station gaya aur bina tikat train me savaar ho gaya. Train ke general compartment me mere paas ek aghori aa kar beith gaya. Pata nahi kyu par vah baar baar mujhe ghure jaa raha tha.

Usne sidha mujhe puch liya ki mere sath aaoge? Mene usko naa kaha, to vah chup chap baith kar fir se mujhe ghurne laga. Tabhi achanak TC aaya aur mujse Ticket mangne laga. Mere paas koyi Ticket to tha nahi to mai use kahne jaa hi raha tha ki tikat nahi liya hai, par me kuch bolu uske pahle us aghori ne tiket aage kar diya, aur bola ki ye raha iska Ticket aur ye raha mera Ticket.

TC ham dono ki aur dekhne laga. Aur ticket dekhe bina hi aage badh gaya. Jo kuch bhi hua use dekh kar Mere to hosh udd gaye, kyun ki us aghori ne ek hi ticket se pata nahi kaise do ticket bana liye. Ab us aadmi se jaan pahchaan badhane me mujhe thoda interest jagne laga. Kyu ki mujhe vah chamatkarik shakti vala aghori lag raha tha.

Mene use kaha ki baba aapne ye kaise kiya? Usne saaf kah diya ki ye Meili vidya hai. Fir usne pucha ki tum ghar chod kar aaye ho naa? Is baar mene sidha “ha” me javab diya.

Usne kaha ki mere sath chalo, duniya ki moh maya se mukt hona hai to hamari duniya me aa jao.

Sach kahu to us samay mere paas naa to paise the aur naa hi koyi thikana to mene socha ki isi aghori ke sath chala jata hu, vaise bhi zindgi jandd thi to koyi parvaah nahi thi. Mai uske sath ho liya.

Train se utrne ke baad Ham dono ganga kinare, ek viraan jagah par gaye, us aghori ne vaha ek badi si juggi jopdi bandh rakhi thi. Usne mujhe andar aane ko kaha. Andar jane me mujhe sankoch ho raha tha par fir bhi me andar chala gaya.

loading...

Andar kafi badbu thi, aur ek kone me insaani haddiyon aur khopdiyo kaa dher pada hua tha. Maine fauran pucha ki yeh sab kya hai, to usne kaha ki sadhna ka saaman hai. Tum daro mat.

Kuch der hui to usne mujhe pine ke liye kuch diya,,, shayad vah desi daru thi. Vaise to me daru pita nahi hu par us din gam ke boj tale duba hone ke karan aankhe band kar ke daru bhi pi gaya.

Achanak vah aghori khada hua aur ganga nadi ki aur lakda le kar bhaga,,, mujhe samaj nahi aaya ki usne aisa kyun kiya, par jab vah vapis aaya to meine dekha ki uske hath me ek javaan aurat ki Laash Thi. Shayad usne us murde ko nadi se nikala tha.

Yeh sab dekh kar mere to rongte khade ho gaye, meine use fauran pucha ki yeh sab kya hai? Aur ye lash tum yaha kyu laye ho?

Usne kaha ki jab koyi mar jata hai to yaha paas me ek ghat hai vaha se mare hue logo ko pavitr ganga nadi me bahaya jata hai,,, aur unhe nadi se nikaal kar ham aghori  khate bhi hai aur ashuddh murde ki sahayta se maili vidya bhi karte hai.

Uski yeh sab bate sun kar mujhe ulti aane lagi. Mai ab vaha se bhaag jana chahta tha. Abh me jaau uske pahle vaha aur do aghori aa pahuche, un teeno ne mere samne hi us javaan aurat ke murde ke kapde nikaal kar use chaku se kaat kar khana shuru kar diya, yeh sab dekh kar mujhe chakkar aane lage.

Mai to samja tha ki yeh log mamuli aghori sadhu honge, par yeh to murda khor bhayanak tantrik aghori nikle. Girte padte me vaha se kuch bhi bole bina jane laga. Kuch dur jane par un teeno me se ek aghori ki nazar mujh par padi.

Ab teeno laash kana chod kar mujhe pakadne, mere piche bhage. Unhone vahi mujhe dhar dabocha aur fir se us jopdi me le gaye. Unhone mujhe vaha bandh kar rakha. Mai chilla naa saku is liye unhone mere muh me kapda thus kar muh ko bandh diya. Fir vah teeno jaldi se us aurat ki khaai hui lash nadi me feink aaye. Aur agni jagalane lage. Fir ek aghori mere paas aaya aur usne meri ungli se thoda khoon nikala, aur us khoon se paas padi hui ek khopdi (kankaal) ko tika kiya.

Ab teeno aghori nange ho kar uttejak matr bolne lage. Aur agni ke ird-gird ghumte hue naachne lage. Fir teeno me se ek aghori andar se ek bada sa chura laya.

Yeh sab dekh kar me samaj gaya tha ki, shayad yeh teeno meri bali dene vale hai, yaa fir mujhe kaat kar zinda hi khane vale hai. Aur fir us aurat ke murde ki tarah mujhe bhi maar kar ganga me baha denege. Us raat maut ko samne dekh kar pahli baar mujhe zindgi ki kimat samaj aayi.

Kuch hi der me achanak ek police jeep vaha aa kar ruki, aur teeno aghori yo ko unhone dhar dabocha,,, aur unhe vahi lathi o se be tahasha pitne lage, fir unhone jopdi ki aur dekha vaha samne hi me bandha hua pada tha. Unhone turant mujhe khola aur mujhe aspataal le gaye.

Mai jaan chukka tha ki apne ghar se bhali aur koyi jagah nahi hai, aur parivaar se badh kar koyi sukh nahi hai, upar vale ka shukr hai ki me ab tak apni aap-biti batane ke liye zinda hu. Ghar chod kar jane valo ko me ek hi baat kahna chahunga ki duniya badi khatarnaak hai,aur zindgi anmol hai.

loading...
Loading...

One Response

  1. Ashim patra August 2, 2017

Leave a Reply