Aadhi Raat me Khet par hua Chudail se Saamna – Ek Sacchi Ghatna

Aadhi Raat me Khet par hua Chudail se Saamna - Ek Sacchi GhatnaMera naam Mukul Mishra hai aur ye us Raat ki kahani jo main aapse share karne ja raha hoon 100% real hai.Mera janm Uttarakhand ke ek gaon main hua tha par abhi 4-5 years se main apni family ke saath Jhansi main reh raha hoon. Meri age 25 years hai. Main bachpan se bhoot aur paranormal creatures ka mazak udata tha.Mera sochna tha ki ye hamare mann main panap rahe bhram ki dastak hain. Main ek pakka nastik hua karta tha. main sabhi devi devtaon ka mazaak udaata tha. Par ek din aisa hua jisse mera nazariya hi badal gaya.

Mera ek friend hai Shalin. Vo hamesha mujhse kisi na kisi baat par bet lagata hai.Koi 2 saal pehle ki baat hogi. Ek din Shalin ne mujhse kaha ki uske pita ji ki zameen ke bagal wale khet main badi bhayanak vaardaatein ho rahi hain. Usne aage kaha ki vo puri zameen kale rang ki hai. Wahan raat main jaane se sabhi darte hain. 2-4 din pehle hi wahan gaon ki ek ladki ki dead body mili thi aur us se pehle bhi 3-4 logon ki maut ho chuki hai.

Iske baad vo mujhe us jagah le gaya. wahan ki zameen sach main kale rang ki thi. Maine use samjhaya ki iska koi scientific reason ho sakta hai par usne kaha ki ye zameen ek chudail ke shaap ki wajah se aisi hai. Raat main jo bhi yahan kadam rakhta hai vo kisi bhi keemat par zinda nahi bachta. Maine uska mazaak udaya. Aur kaha ki raat main us jagah par akele jaa kar dikhaunga. Usne mujhe bahut baar samjhaya par mere upar to use galat saabit karne ki dhun sawaar thi.

loading...

Raat ke karib 2 baje main wahan gaya. Maine Shalin se saath chal kar sab kuch check karne ko kaha. Par usne mana kar diya. Main akela hi chal diya. Aur kuch hi der baad main wahan tha. Main khet ke andar jaise hi daakhil hua. Sayad aapko yakin na ho doston par mujhe bada hi ajib mehsoos hua. Jaise hawa main ghutan si badh gayi ho. Par thodi der main sab thik ho gaya. Aur main mann hi mann main muskurane laga ki yahan kuch nahi hai. Main zameen par let gaya aur mujhe pata hi nahi chala ki mujhe neend kab aa gayi.

Achanak ek bhayanak aawaz mere kano main goonzi. Meri achanak neend khuli. Main utha to saamne mujhe ek aurat dikhai di. Wo badi bhayanak thi.Uske haath main ek darati thi. Uska chehra dono ore se jala hua tha. Wo mujhe ghoor rahi thi. Doston main jab bhi uske chehre ke baare main sochta hoon bada ghabra jata hoon. Mujhe darr laga aur maine wahan se bhagne ki koshis ki. Par mere paon ne kaam karna hi band kar diya tha.

Wo meri ore badhi aur mujhe dhakka de kar gira diya aur apne darati se mere haath par hamla kiya. Mere haath main bahut gehra nishaan ho gaya. Vo meri peeth par lagatar hamla kar rahi thi.Mujhe aisa laga jaise meri jaan mere sharir se nikalne wali hai. Lekin thodi der mujhe apne paas main garmi ka anubhav hua aur laga ki ek shanti si mil rahi hai.Doston sach kehta hoon ki aisi shanti ka anubhav mujhe aaj tak nahi hua.Aisa anubhav ho raha tha jaise kisi ne mujhe apne god(lap) main bithaya ho.

Phir mujhe kuch sudh na rahi ki kya hua. Sidhe subah aankh khuli to khud ko us khet main hi pada hua paya. Main bhaag kar apne ghar gaya. Wahan maine Shalin ko paaya. Maine use gale laga liya doston. Ek pal ke liye mujhe laga ki main ab kabhi wapas na aa sakunga. Maine us Raat ki puri baat use batayi par use yakin nahi hua ki main wahan reh kar zinda wapas kaise aa gaya. Baad main mujhe pata chala ki kal saam hi gaon main ganesh bhagwan ki pratima sthapit hui thi aur mujhe pura yakin hai ki vighnaharta ne hi mujhe jeevan daan diya tha. jis bhagwan ko maine kabhi maana hi nahi usi ne meri us dusht chudail se raksha ki thi. Sayad aapko ye kahani jhooti lage par ye ek dam sacchi kahani hai doston aur us din se bhagwan par mera vishwas bahut badh gaya hai.

loading...
Loading...

One Response

  1. ashim patra July 31, 2017

Leave a Reply